File size 276KB

File size 31KB

༈ རིག་འཛིན་འཇིགས་མེད་གླིང་པའི་དགོངས་གཏེར་རྩ་བར་ཀུན་མཁྱེན་མཉྫུ་གྷོ་ཥས་མན་ངག་གི་ལམ་སྲོལ་རྒྱས་པར་ཕྱེས་པའི་ཆོས་བཀའ་སྟེ། ཀློང་ཆེན་སྙིང་ཐིག་གི་ཐུན་མོང་མ་ཡིན་པའི་དགོངས་པ་བླ་མ་ཡི་དམ་དབྱེར་མེད་དུ་བསྒྲུབས་པས་མཆོག་གི་དངོས་གྲུབ་གཙོ་བོར་གྱུར་པའི་ལས་ཐམས་ཅད་ཐོགས་མེད་དུ་གྲུབ་ཚུལ། རྡོ་རྗེ་སེམས་དཔའ་ལ་བརྟེན་པའི་བླ་མ་མཆོད་པའི་ཆོ་ག་གཞན་ཕན་གྱི་ཕྲིན་ལས་དང་བཅས་པ་བདེ་ཆེན་ལམ་བཟང་ཞེས་བྱ་བ་འདི་ཉིད་གློག་ཀླད་དུ་བཞུགས་གསོལ་ནན་ཏར་གྱིས་ཞུ་དག་ལན་གྲངས་མི་དམན་ཙམ་ཞུས་པའི་བརྩིས་སུ་བགྲང་མོད། འོན་ཀྱང་ཉམས་མྱོང་དང་ཆུ་ཚོད་དམན་པའི་དབང་གིས་གཙང་ངེས་ཀྱི་ལམ་དུ་མ་སོང་བའི་ཡིག་ནོར་ཆད་ལྷག་སོགས་འགལ་འདུ་མི་ཉུང་བ་ཞིག་ཡོད་ངེས་པས། དེས་ན་མཁྱེན་དཔྱོད་ལྡན་པ་རྣམས་ཀྱིས་ལེགས་བཅོས་ཀྱི་དགོངས་འཆར་ལྷུག་སྩོལ་གནང་བར་མཁྱེན་མཁྱེན་ཞེས་བུདྡྷ་ཤཱ་ས་ན་དྷཱ་རས་གསོལ་བ་འདེབས་པ་ལགས་སོ།།