༈ མ་འོངས་པའི་སངས་རྒྱས་དྲུག་པ་སེང་གེའི་རྣམ་འཕྲུལ་འཕགས་མཆོག་ཕྱག་ན་པདྨོ་དང་རྣམ་དབྱེར་མེད་པ་རྒྱལ་བ་དུས་གསུམ་མཁྱེན་པ་ནི། སྤྱི་ལོ་༡༡༡༠ ལ་འཁྲུངས་ཤིང་མཉམ་མེད་དྭགས་པོ་ཟླ་འོད་གཞོན་ནུའི་བུ་སློབ་ཀྱི་ཐུ་བོར་གྱུར་ཏེ་ཟུང་འཇུག་གི་གོ་འཕང་དམ་པ་ལ་མངའ་བརྙེས་ཤིང་ལི་ཐང་དུ་ཀཾ་ཁྱིམ་གྱི་གཙུག་ལག་ཁང་ཕྱག་བཏབ་པ་ནས་བཟུང་ཏེ་ཀཾ་ཚང་བཀའ་བརྒྱུད་ཅེས་ཡོངས་སུ་གྲགས་པའི་ཆོས་བརྒྱུད་ཀྱི་དབུ་ཚུགས་པ་དང༌། ཉིད་ཀྱི་ཞལ་སློབ་ཐུ་བོ་སི་ཏུ་འགྲོ་མགོན་རས་པ་ཆེན་པོ་ལ་དོན་བརྒྱུད་ཀྱི་བསྟན་པ་གཏད་པ་ནས་བཟུང་སྟེ་སྒྲུབ་བརྒྱུད་གསེར་རིའི་ཕྲེང་བ་བར་མ་ཆད་པ་ད་ལྟའི་བར་དུ་བྱོན་ཅིང་ཕྱོགས་བཅུའི་རྒྱལ་བ་སྲས་དང་བཅས་པའི་ཕྲིན་ལས་པ་ཆེན་པོ་༧དཔལ་ཀརྨ་པ་ཞེས་ཡོངས་སུ་གྲགས་པ་དེ་ཉིད་སྐུ་ཕྲེང་གོང་མས་འོག་མ་ལུང་བསྟན་པའི་སྒོ་ནས་གདན་ས་ཆེན་པོ་འོག་མིན་དཔལ་གྱི་སྟོད་ལུང་མཚུར་ཕུ་དབུས་གདན་ས་ཆོས་འཁོར་བསྐྱངས་པའི་མཛད་པ་རྒྱ་དཀར་ནག །བོད་སྟོད་སྨད་བར་གསུམ་དུ་ཁྱབ་པར་མཛད་པའི་སྐུ་ཕྲེང་ན་རིམ་དུ་བྱོན་པ། །